|
SubscriptionsSites I Read
|
|
|
|
| 中學時期覺得去教堂崇拜是一件苦悶的事,
除了因為當時不熟悉當中的禮儀之外,教堂的氣氛亦令到我感到沉悶.
直到現在,人大了,出了社會工作,一個星期五天對著爾虞我詐,自私自利的社會.
才體會到教會當中的平安和安寧.無須平安禮中"願你們平安"這句說話,
只要靜靜坐在教堂當中,仰望耶穌的肖像,心中已有平安.
現在每星期上教堂已經是生活中不可缺少中的一部份.
正如Penny所講"星期日若沒有上教堂,就好像沒有放假一樣" 有時候,當風平浪靜時,我總會忘記上帝,忘記感謝祂,忘記歌頌讚美祂.
當遇到困難挫折時,才去尋求祂,尋求祂的幫助與安慰.
或許上帝藉著這些困難,是要提醒我"不要離開祂"
一直以來最愛的一句經文,
"我是葡萄樹,你們是枝子,常在我裡面的,我也常在他裡面,這人就多結果子,
因為離了我,你們就不能做什麼"
| | |
| 昨天係假期, 咁就梗係又要去我最鍾意去o既地方 ---- CD鋪啦
本黎唸住買多一隻Sarah Brightman演唱會, 點知睇下睇下見到"馬友友"o既專輯.
唸起上次上堂, Miss講到馬友友好厲害, 講o既時候對眼好似識發光咁.
我心唸, 真係有咁勁?但係大提琴黎個喎...咁低音...感覺上好似麻麻地咋喎..
再望下D碟, E?!巴哈喎~我鍾意~~突然覺得聽多d唔同o既音樂應該都幾好丫~
好!就買左佢. 既然男朋友唔肯送俾我, 咁就唯有自掏腰包啦. 返到屋企, 第一時間聽下先~
一聽! 大提琴渾圓厚實o既聲音, 加上巴哈, 再加上馬友友高超o既拉琴技巧.
簡直......唔識點形容, 總知可以令到我個心好平靜, 好舒服, 感覺上D聲好溫柔.
雖然大提琴好大件, 睇落去好笨重, 但o係發出黎果種聲音好優美 上網搵下馬友友o既資料.
佢除左擁有驚人o既音樂天份之外, 仲有聰明o既頭腦, 追尋知識o既心.
曾經在茱利亞音樂學院就讀時, 認為音樂只有技巧並不足夠, 毅然決定轉讀哈佛大學.
修人類學, 並且以學士學位畢業.
佢擁有豐富內涵同埋天生o既音樂感受力, 難怪Miss會咁鍾意佢.
就連我..都好似愛上左佢o既音樂
馬友友所拉奏o既大提琴係一把名琴, 價值250萬美元架
一流o既音色, 一流o既演奏, 一流o既音樂, 簡直冇得彈呀!! | | |
| 恭喜阿man得到每月之星!!
咁證明左你得到左同事o既愛戴同埋上司o既賞識!
你成功啦~yeah~ 今日一放工, 咋咋臨搭車-->買禮物-->去和民
為o既就係去同阿man慶祝同埋感受佢o既喜悅~
一唸就唸到送咩俾佢喇, 不過為免又重複買左佢本身就有o既禮物.
都係借D"倚"問下佢有冇買到先
根據過往經驗, 送親野俾佢都出現問題..唔係買錯野就係送左佢本黎就有o既公仔...
好在今次冇事, 正正常常俾到個小小驚喜佢. 返到屋企, 望到部琴....真係...死火....
練都未練過, 明天點都要練呀!!!唔係o既話星期六真係死得... | | |
|   
短短兩日, 無限開心~
呢兩日我o既笑容加埋仲多過我返工兩個月加埋o既笑容呀~
我大笑, 傻笑, 喪笑, 乜都笑一餐
我不停講野, 亂講一餐, 廢話連篇, 我係又講, 唔係又講, 講錯野都照講
我係咁拍照, 幫人拍, 自拍, 偷拍, 逼人陪我拍照, 總知係咪都影一影
咁o既旅行對於我黎講真係非常開心而又滿足
不過俾我煩足全程o既朋友們就辛苦D啦...
因為我實在太鍾意你地喇~你地又咁遷就我喎,
我就忍唔住放肆啦...咁多位~辛苦哂辛苦哂~
過左今次, 又唔知幾時先可以再一齊去玩啦~
我會掛住你地架~ 今日返工個人仲o係澳門遊緊, 好唔願意返工.
一返工冇幾耐又俾人話喇...唉...
我點知你地會o係我個位搵野喎~
間公司通知左成個月都唔黎收票,
偏偏o係我放假果日先上黎~我都唔想架~
又唔係我特登安排o既
算數~都習慣喇~
明天再努力!! 日日返工就想收工, 真係....唉.....
| | |
| 下星期四就考琴試啦, 都幾緊張.
因為通常o係呢d場合我都會失手,
平時o係屋企唔會彈錯o既地方, 到考試就唔知點解會彈錯...
希望今次唔會啦~我唔想浪費左d金錢同埋時間, 由其係唔想鋼琴老師失望... 目標!!!我缺乏一個清晰的目標!!!
日日返工冇乜意義, 只係為左份糧.
我唔想我人生o既黃金期係咁渡過..
我唔想我將來會後悔..
究竟我想點........... 要靜靜地思索.....
| | |
|
